आदारीत प्रस्न
1. डिसेंबराचे तीन तारखेक लोक पोरण्या गोंयांत कित्याक एकठांय जातात?
जापः डिसेंबराचे तीन तारखेक लोक पोरण्या गोंयच्या सायबाचें फेस्त मनोवपाक एकठांय जातात.
2. सां फ्रांसिश्कु शावियेराचो जल्म केन्ना जालो?
जापः सां फ्रांसिश्कु शावियेराचो जल्म 7 एप्रिल 1506 ह्या दिसा जालो.
3. फेस्ताचे तयारेच्या णव दिसांक कसले दीस म्हणटात?
जापः फेस्ताचे तयारेच्या णव दिसांक नोवेनांचो दीस म्हणटात.
4. लोक गोंयच्या सायबाच्या पांयां कडेन भेटो कित्याक घेवन येतात?
जापः लोक गोंयच्या सायबाच्या पांयां कडेन भेटो गोंयचो सायब आपले विनवणेक पावलो म्हूण उपकार आठोवंक तशेंच केल्ली आंगवण पावोवंक येतात.
5. फेस्ताचे फेरयेंतलो दोळ्यांनी भरसारको कसलो देखाव आसता?
जापः फेरयेंत भरपी मडक्यांचो बाजार हो फेस्ताचे फेरयेंतलो दोळ्यांनी भरसारको देखाव आसता.
6. गोंयच्यां सायबाक केल्ल्यो आंगवणी कशे रितीन पावयतात?
जापः भावार्थी लोक गोंयच्या सायबाक आपले कुडी पासत केल्ल्यो आंगवणी पावोवंक हात, पांय, दोळे, कान, बी अशीं, मनशाचें कुडीचीं मेणाचीं केल्ली आंगां भेटयतात, मेणवाती पेटयतात तशेंच फुलांचे तुरे, झेले सायबाच्या पांयां कडेन दवरतात. थोडे लोक आंगवणी फारीक करूंक मिसां भेटयतात. ते भायर दुडवांचें दान दितात. कांय लोकक नोवेनांच्या दिसांनी सायबाचे इगर्जेंत येवन रावतात. कांय लोक पदयात्रा करीत चलत चलत दिंडी घेवन पोरण्या गोंयांत येतात.
7. नोवेनांच्या दिसांचें बदल बरयात.
जापः गोंयच्या सायबाच्या फेस्ताची तयारी णव दीस आदींच सुरू जाता. तयारेच्या णव दिसांक नोवेनां अशें म्हणटात, नोवेनांच्या दर दिसा पाद्री मिसां भेटयतात. दर दिसाचें पयलें मास सकाळच्या स वरांचेर सुरू जाता. दीसभर अशीं मिसां जायत आसता. निमाणें मास सांजेच्या सात वरांचेर सोंपता. इगर्जेच्या उकत्या मळार व्हडलो माटव घालून लोकांची बसपाची वेवस्था केल्ली आसता.
8. हो गोंयच्या सायबाच्या फेस्ताक लोकांक ओडलायणी कित्याक दिसतात?
जापः सां. फ्रांसिश्कु शावियेराक लोक मोगान गोंयचो सायब म्हणटात. गोंयच्या सायबाचे विनंतीन जायत्यो मिलाग्री जातात अशें लोक मानतात. गोंयच्या सायबाक भांगिवंत वा संत म्हूण वळखतात. आपल्या मागण्यांपासत सायबाक आंगवण केल्ली जाल्यार आपलें मागणें पुराय जाता असो विस्वास लोकां मदीं आसा. ह्या फेस्ता निमतन जावपी मिसां, सायबाचें कुडीकचें दर्शन आनी थंय भरपी फेरी ही जायत्या धर्मांतल्या लोकांक ओडलायणी थारल्या.