वाकूप्रचारः–
1. मळबभर खोशी जावप – खूब खोशी जावप
2. हड्डें बडोवप – आकांत करप , आक्रोश करप
3. आंगांत वादळ वारें भरप – नेट येवप, आंगांत शक्त संचारप
4. घर जागें जावप – घरांतले येवप
5. मार्गाक लागप – चलूंक लागप
6. नांव वयर काडप – कीर्त हाडप
प्रस्न:-
1. सकयल दिल्ल्या दर एका प्रस्नाची जापो एका – एका वाक्यांत बरयातः
अ) सायमनाक ल्हानपणासावन कसली संवंय आसली ?
जाप: सायमनाक ल्हानपणासावन आयल्या – पयल्याक वेळाकाळार आदाराक पावपाची संवय आसली.
आ) सायमनाचे मांयक मळबभर खोशी कित्याक जाल्ली ?
जाप:सायमनाचे मांयक याज्ञीकपणाचे संस्कारणीचें मीस म्हणून सोमिनारींतल्यान पाद्रीपणाचें शिकप पुराय करून जेन्ना सायमन तरणाटो काब्राल आपणाल्या गांवघरा येतलो तेन्ना मळबभर खोशी जाल्ली.
इ) सायमनाच्या पायची निमणी इत्सा कितें आसली ?
जाप: पाद्री जावन आपलें जिवीत लोकांचे सेवेक आनी ओंपप ही सायमनाच्या पायची निमणी इत्सा आसली.
ई) भुरग्याली आवय हड्डें कित्याक बडयताली ?
जाप: ताचों पूत बांयंत पडलो. म्हूण भुरग्याली आवय हड्डें बडयताली .
प्रस्न:-
2. सकयल दिल्ल्या दर एका प्रस्नाची जाप पांच – स वाक्यांनी बरयातः
अ) सायमनाचें व्यक्तिमत्व कशें आसलें ?
जाप: सायमन माड कसो धणधाकट तरणाटो आसलो. ऊंच गोरोपिट्ट, मुदयाळे केंस. सायमनाक ल्हानपणासावन आयल्या – पयल्याक वेळाकाळार आदाराक पावपाची संवय आसली. कोणाचीच शिकवण आनी बुजवण नासतना, सायमन सदांच दुसऱ्याचें बरें चितालो.
आ) मिसाक वतना शेताबांदार पावतकच सायमनाचे नदरेक कसलो देखाव पडलो ?
जाप: मिसाक वतना शेताबांदार पावतकच बांदाचे उजवे वटेन आशिल्ल्या एका वाडयाक कांय लोक जमल्यात म्हणपाचें सायमनाचे नदरेक पडलें. एक बायल जमनीर हड्डें बडोवन बोबो मारतना ताका दिसली. ती बायल कोणाक तरी आदाराक उलो मारताली. तो शेताबांदा वयल्यान उडकी मारून तसोच धांवत थंय गेलो.
इ) सायमनाच्या मनान शेवटाक कसलो साद घालो ?
जाप: एक भुरगो बांयांत बुडटालो, त्या चेडयाक वाटायता अशें बांयेभोंवतणीं उबे रावून लोक म्हणटाले. कोणूय मुखार ताकै वाटोवपाक सरनासलो. त्या भुरग्याची आवय ताच्या पुताक कोण तरी साल्वार करात म्हणू लोकांक हात जोडटाली. भुरगो बुचकळटालो तें पळोव सायमनाच्या मनान शेवटाक साद घालो आनी सायमनान कोणाचीच परवा करिनासतना सोमतो पळोवन बायत उडी मारली.
ई) बांयंत बुचकळटल्या भुरग्याक वाटोवपाक सायमनान कसलें धाडस केलें ?
जाप: सायमन कांटेखंटे माड्डयत लोक जमिल्ले थंय पावले. भुरग्याची मांय आपल्या पुताक साल्वार करात अशे म्हणटाली. सायमन बायसरीं गेलो. कुशीक सरात अशें म्हणीत ताणें बांयंत पळयलें त्या भुरग्याचे हात वयर आसलें तो वयर सकयल येत उदकांत बुचकळटालो. सायमनान आंगावयलो लोब आनी पांयांतले बूट काडपाकय वेळ वगडांवक फावोना. अशें ताका मनान ताका सांगले. सायमनान फाटींफुडें चिंतिनासतना सरळ ते उकतें बांयंत तो उदकांत त्या बुडपाक पाविल्ल्या भुरग्याचेर पडचो ना अशें तरेन उडकी घेतली. लोक पाद्री सायमनाक बांयेंत उडी घेता तें पळोवन अजापीत जालें. खिणभर तांकां अपणाचीच लज दिसली. तांकां सायंमनाच्या धाडसाचें कवतूक दिसलें.
उ) सायमन वेळार आपणालें पयलें मीस सांगपाक आयलोना तेन्ना इगर्जेच्या लोकांच्यो कसल्यो प्रतिक्रिया जाल्यो ?
जाप: इगर्जेंत नवो पाद्री मीस सांगपाक येंवक ना म्हूण सगल्यांचेर आकांत आयलो. सायमनाक सोदपाक लोक वागदरांत गेले. बिस्मसायब लेगीत बरोच रागार जालो. वरिश्ट पाद्री आनी सायमना चे इश्ट पाद्री खूब पिकार जाल्ले कारण मिसाचो वेळ सांबांळूंक शकना तो फुडाराक कितें करतलो अशें तांचे मन आसलें इगर्जभर लोकाक तिडकीचें ल्हार पातळिल्लें. सगले लोक घरा वचपाक इगर्जेंतल्यान भायर सरपाक लागलें.
ऊ) नव्या पाद्री सायमनान गांवांतलें आपणालें पयलें मीस कशें भेटयलें ?
जाप: फादर सायमन आल्तरार चडलो तें पळोवन ताजे मांयचें काळीज भरून आयलें. तिज्या दोळ्यांतल्यान भळभळून दुकां व्हांवपाक लागलीं. आनी आतां सायमन कितें सांगता तें आयकूपाक सगळ्यांचे कान आनी मन सामकें तानेल्लें. ताणें जेजूक नमन केलें. बिस्मसायबाक नमन केलें आनी नदर वयर केली. पवित्र ग्रंथाक नमन केलें. मुखार बशिल्ल्यांक आनी आल्तरासरी बशिल्ल्यांक विनम्र अभिवादन केलें आनी मीस सांगपाक तोंड उगडलें. पूण ताच्या तोंडातलीं उतरां भायर सरलीं नांत. बिस्मसायबाक सायमनाची जाल्ली आवतीकाय समजली. सायमनाच्या तोंडांतल्यान उतरां फुटनांत तें पळोवन बिस्मसायबाक फुडें सरून सायमनाच्या वतीन म्हणलें, देवा धनया स्वाम्या सर्वेश्र्वरा…… फादर सायमनान आयज सकाळीं खेरीत अशें व्हड मीस तुका भेटयलां. समेस्ताक भेटयलां तें मानून घे. समेस्तांनी मानून घेवचें…… आमेन…..” आनी इगर्जेंत एकूच प्रतिध्वनी घुमलो….. आमेन……
भाशाभ्यास
सकयल दिल्ल्या वाक्यांतली जोड अव्ययां सोदून काडून बरयातः–
अ) तूं पाद्री जा आनी तुजें जिवीत लोकांचे सेवेक ओंप.
जाप: आनी
आ) पाद्री मीस सांगपाक पावलो ना म्हूण लोकांचेर आकांत आयलो.
जाप: म्हूण
इ) मीस सांगपाक तोंड उगडलें पूण उतरां भायर फुटलीं नात.
जाप: पूण
ई) आपल्या पुताक सालवार करात म्हूण आवय लोकांक पांयां पडटालीं.
जाप: म्हूण