प्रस्न

टीप:  मार्देयश – पुर्तुगालचो एक जुंवो

प्र. 1 सकयल दिल्ल्या प्रस्नांच्यो जापो एका – एका वाक्यांत बरयातः

अ) दो. फ्रांसिश्कु लुईश गॉमिश हांकां खंयच्यो – खंयच्यो भासो येताल्यो ?

जाप: पुर्तुगेज , इंग्लेज , इटालियान , लातीं कोंकणी आनी मराठी भासो तो खोलायेन जाणा आसलो.

आ) दो. फ्रांसिश्कु लुईश गॉमिश फुरसती वेळाचो कसो उपेग करतलो ?

जाप: फ्रांसिश्कु लुईश गॉमिश आपलें काम करचें करून वेळ मेळटालो तेन्ना संवसारातल्या व्हड लेखकांची पुस्तकां वाचतालो.

इ) पुर्तुगालांत आसताना दो. फ्रांसिश्कु लुईश गॉमिशाचो खंयच्या व्हड मनशांकडेन संबंद आयलो ?

जाप: पुर्तुगालांत आसताना व्हड – व्हड मनशांकडेन ताची वळख जाली फ्रांसाचो नांवादीक कवी लामार्तीन , ल्हान लेखक विक्तर ह्युगो, इंग्लंडचो स्टुअर्ट मिल सारकेल्या बुध्दिमान मनशांकडेन संबंद आयलो.

ई) दो. फ्रांसिश्कु लुईश गॉमिशान खंयचें निमाणें पुस्तक बरयलें ?

जाप: दो. फ्रांसिश्कु लुईश गॉमिशान सेबाश्तियांव कारवाल्यु इ मँथ्यू ह्या पुर्तुगेज प्रधानमत्र्यांचें चरित्र फ्रांसिश्कु निमणें पुरस्तक बरयले.

ऊ) साश्ट आनी काणकोण मतदारांनी दो. फ्रांसिश्कु लुईश गॉमिशाक आपलो प्रतिनिधी म्हणू कित्याक वेंचून काडलो ?

जाप: 1860 वर्साच्या अगस्त म्हयन्यांत जाल्ले वेंचणूकेंत दो. फ्रांसिश्कु लुईश गॉमिशाक ताच्या गुणांक आनी गिन्यानाक लागून साश्ट आनी काणकोण म्हालांतल्या मतदांरानी आपलो प्रतिनिधी म्हणू वेंचून काडलो.

प्र.2 सकयल दिल्ल्या दर एका प्रस्नाची जाप पांच – स वाक्यांनी बरयातः

अ) दो. फ्रांसिश्कु लुईश गॉमिश हांचें भुरगेपण कशें गेलें ?

जाप: फ्रांसिश्कु लुईश भुरगेपणांत ल्यानूच  हुशार आसलो . आठ वर्साचो आसताना ताका पुर्तुगेस भास बरी येतालो आनी तो नीट बरयतालो . मुळावें शिकप ताणें मडगांवां केलें . उपरांत तो पणजे वैजकी विघालयांत शिकूंक गेलो आनी वीस वर्सांचेर वैज जालो.सुरवातेक सरकारान ताका लस्करी वैज नेमलो . मागीर वैजकी विघालयांत ताका शिक्षकाची झुटी दिली. 1860 वर्साच्या जुनाचे पयले फौजेचो वरिश्ट शस्त्रवेज (सर्जन) म्हूण ताची नेमणूक जाली.

आ) लामार्तीन कवीक बरयिल्ले चिटयेंत दो. फ्रांसिश्कु लुईश गॉमिशान कितें खंत उगतायल्या ?

जाप: एका काळार हें राष्ट्र काव्य, तत्वगिंजान आनी इतिहास हांचें पाळणें आसलें . पूण आतां अशें कांयच ना. जाणी महाभारत रचलां आनी बुध्दिबळा खेळ घडयला तांच्या वशाचो हांव.  हया दोनूय कृतींत कितें शात्रत अपार आसा. पूण आपल्या काव्यांतल्यान कायदे करपी आनी खेळांतल्यान राजकारण घडपी हे राष्ट्र आतां जिवे ना . आपल्याच राष्ट्रांत कैदी कशें ते जियेता, आपल्याच खुशालपणांत तें सोपला, आपल्याच दबाजाच्या लकलकांत तें पाट जालां वो गिराणाच्या काळखांत ते लिपला सुकणीबरी मळबात एक दोंगराच्या तेगशेर चडटाले. बूलबूलान आपले गीत विसरले. पयलीच्या वेळार हो आवाज वयर वयतालो पूण आता तरो कांयच ना.

इ) भारतियांक उणाक लेखपी आफोंसेकाचे मुहे दो. फ्रांसिश्कु लुईश गॉमिशान कशे खोडून काडले ?

जाप: भारतियांक उणाक लेखपी आफोंसेकाचे मुहे आयकून गॉमिशाक भिरभिरी मारली. पूण तरीय तो उचाबंळ जायनासतना माणसुकेन उलयलो. पुर्तुगेज संसदेंत तें ताचें पयलें भाशण . त्या भाशणांत ताजें आफ्रोंसेकाचे सगळे मुहे फोडून उडयले आनी आपल्या मायदेशाचें व्हडपण दाखोवन दिलें. ताचें पुराय भाशण गिन्यानाचें . जाणवायेचे आनी तर्काचें भाडारुच आसले जाता. ताचे भाशण सोंपतांच संसदेंत ताळ्यांचो गडगड जालो. खूब खासदारानी ताका शाबासकी दिली आनी ताचे तोखणाय केले.

ई) दो. फ्रांसिश्कु लुईश गॉमिश हे व्याकरणकार आशिल्ले हें कित्यावेल्यान कळटा ?

जापः दो. फ्रांसिश्कु लुईश गॉमिश तिका दे लिंग्वा कोंकना बरयल्लें पूण ते धापून येंवक ना. पूण तोमाश इस्तेवांव पाद्रीन आर्ति द लिग्वं कानारी नावान पुर्तुगेजीन बरयल्ल्या . कोंकणी व्याकरणाचे दुसरे आवृत्तींत दो. फ्रांसिश्कु लुईशाक कोंकणी व्याकरणासंबदी बरयल्ल्यो 30 टिपण्यो दिल्यात .हयो टिपण्यो 70 पांनानी स्पश्ट केल्यात .ह्यो टिपण्यो वाचतकच कोंकणी भाशेच्या व्याकरणाचो ताचो अभ्यास कितलो खोल आसलो तें दिसून

ऊ) दो. फ्रांसिश्कु लुईश गॉमिशचें निमणे यात्रेविशीं बरोवप्यान कितें सांगलां ?

जाप: बाटीक जोराक लागून दो. गॉमिशची भलायकी वायट जालीं . 1861 वर्सा , सेतेंब्राचें 17 वेर ताणें सेबाश्तियांव कारबाल्यु इ मॅरयु ध्या पोर्तुगेज प्रधानमंत्र्याचें चरित्र प्रांसेज भाशेंत बरोवन पूर्ण केले. 18 वेर पुर्तुगालच्या मुखेल नेमाळ्यांचेर निरोप दिवन तांणें आपल्यो चिव्या पटगटायल्यो , पिडेचे त्रास ताका अदीक जावंक लागलें. तो परत – परत रगत ओकूक लागलो. ताणें आपल्या गांव – घरा येवपाचें थारायलें. एस . एस . मासेलिया बोटीर तो चडलो . बोट भुमध्य सागरांत पावली तेन्ना सेतेब्रांचे 30 वेर , ह्य प्रतिभांवत गोयकाराच्या जिवीताची जोत सासणाक पालवली . ताची कूड दर्यांत देवयली. तेन्ना पिटाय आसली फकत 40 वर्सां.

भाशाभ्यास

क) सकयल दोन – दोन विधानां दिल्यांत . फावो तें अव्यय वापूरून एक – एक विधान करून बरयातः

अ) हवा बरी थंडशीच आसली . मन प्रसत्र जालें.

जाप: हवा बरी थंडशीच आसली देखून मन प्रसत्र जालें.

आ) ताका पिडेचे त्रास जावंक लागले. ताणें आपल्या गांवघरा येवपाचें थारायलें.

जाप: ताका पिडेचे त्रास जावंक लागले म्हूण ताणें आपल्या गांवघरा येवपाचें थारायलें.

इ) तुज्या वावराचें फळ मेळटलें, तुजे खुशालकायेक शीम – मेर नासतली.

जाप: तुज्या वावराचें फळ मेळटलें तेन्ना तुजे खुशालकायेक शीम – मेर नासतली.

ई) चार दीस जाले. धनी बैलक व्हरूंक येवंक ना.

जाप: चार दीस जाले तरी धनी बैलक व्हरूंक येवंक ना.

ख) सकयल दिल्ल्या विधानांतलीं अव्ययां काडून दोन – दोन विधानां करून बरयातः

अ) धनयाक खबर नासतलें, नाजाल्यार तो बैलाक सोदीत येतलो आसलो.

जाप: धनयाक खबर नासतलें. तो बैलाक सोदीत येतलो आसलो.

आ) दोन म्हयन्यां उपरांत पाडूक घटमूट जालें आनी तें बरें चलूंक लागलें.

जाप: दोन म्हयन्यां उपरांत पाडूक घटमूट जालें. तें बरें चलूंक लागलें.

इ) ताणें आफोंसेकाचे सगळे मुहे फोडून उडयले आनी आपल्या मायदेसाचें व्हडपण दाखोवन दिलें.

जाप: ताणें आफोंसेकाचे सगळे मुहे फोडून उडयले. ताणें आपल्या मायदेसाचें व्हडपण दाखोवन दिलें.

ई) गोमिशान कोंकणी भाशेचें व्याकरण बरयलें पूण तें छापून येवंक ना.

जाप: गोमिशान कोंकणी भाशेचें व्याकरण बरयलें.  तें छापून येवंक ना.