आदारीत प्रस्न

आदारीत प्रस्न

1. विडयेच्या वेसनाक लागून कसल्यो पिडा जातात अशें बरोवप्याक दिसता ?

जाप:  विडयेच्या वेसनाक लागून कॅन्सर, पिंत, नेर्वां, न्हीद पडना अश्यो पिडा जातात अशें बरोवप्याक दिसता.

2. न्हिदचेपयलीं भिरकायल्लें विडयांचें बंडल लेखाकान केन्ना आनी कशें हाडलें ?

जाप:  झिळमिळ्यार भायर वचून न्हिदचेपयलीं भिरकायल्लें विडयांचें बंडल चोराभशेन    लेखाकान हाडलें.

3. न्हिदतना केल्लो लेखकाचो निर्धार कितलो वेळ तिगतालो ?

जाप:  न्हिदतना केल्लो लेखकाचो निर्धार रातभरूच तिगतालो.

4. बरोवप्याच्या मतान लोक वेसन कित्याक आपणायतात ?

जाप:  सांगातचे लगाडीक लागून मजा म्हूण लोक वेसन आपणायतात.

5. व्हडल्या आरिश्टांतल्यान आपूण सुटलों अशें बरोवप्याक केन्ना दिसलें ?

जाप:  व्हडल्या आरिश्टांतल्यान आपूण सुटलों अशें बरोवप्याक दिसलें जेन्ना दोतोरान अजीर्ण  आनी पिंताक लागून घुंवळ आयली अशें सांगलें तेन्ना ती काळजाची पिडा न्हय हें बरोवप्याक कळ्ळें.

6. बरोवप्याक अजीर्ण आनी पिंत कित्याक लागून जाल्लें ?

जाप:  विडयेक लागून बरोवप्याक अजीर्ण आनी पिंत जाल्लें.

7. आपलें विडयेचें वेसन सुटचें म्हूण बरोवप्यान कितें यत्न केले ?

जाप:  रागान सात – आठ विडयो मुठींत दामून चुरो करून भायर उडयल्यो आनी सकाळ जातकच त्यो उडयिल्ल्यो त्या जाग्यार वचून ओडिसारको विडयेचो एक कुडको मेळटा काय पळोवंक लागलो. दुसरे फावटी ताणें न्हिदचे पयलीं पंचवीस विडयांचें बंडल शेवटून भायर उडयलें आनी झिळमिळ्यार भायर वचून चोराभशेन उखलून हाडलें अशें तरेन आपलें विडयेचें वेसन सुटचें म्हूण बरोवप्यान यत्न केले.