१. सायंकाळी पाखरे कोठे गोळा होतात?
उत्तर. सायंकाळी पाखरे झाडावर गोळा होतात.
२. फुलपाखारे कुठे उडत आहे ?
उत्तर. फुलपाखरे साळीच्या शेतावर उडत आहे.
३. गुलाल कोठे पसरला आहे?
उत्तर. गुलाल चौफेर कुरणावर व शेतात पसरला आहे.
(इ) खालील प्रश्नांची प्रत्येकी पाच ते सहा वाक्यांत उत्तरे लिहा:
१. कवीने सायंकाळच्या वेळेचे वर्णन कसे केले आहे?
उत्तर. सूर्य मावळतीला चालला आहे. चहूंकडे पिवळे तांबूस – कोवळे ऊन पसरलेआहे. ओढ्यामधल्या पाण्याकडे पाहिले की वाटू लागते, ओढा पाण्याऐवजी सोनेच वाहून नेत आहे. झाडांनी आपल्या डोकीस सोनेरी मुकुट घातले आहेत. कुरणात व शेतात सर्वत्र जणू गुलाल पसरला आहे. हिरवीगार भाताची शेते वाऱ्यावर झोके घेत आहेत. कवी तांबे यांनी हे असे सायंकाळच्या वेळेचे वर्णन केले आहे.
२. पक्षी व फुलपाखरे यांच्या संदर्भात कवीने काय काय सांगितले आहे?
उत्तर : कितीतरी फुलपाखरे स्वच्छंदे उडत आहेत. कोणाचे पंख सोनेरी, कोणाचे रुपेरी तर कोणाचे पंख मखमली आहेत. जणू त्यांना इंद्रधनुष्याचे विविध रंग लाभले आहेत. साळीवर बसलेली फुलपाखरे पाहून वाटते की ही अचल फुलेच जणू साळीवर फुलली आहेत. साळीवर ती झोपली आहेत की पाळण्यात झुलताहेत, असा संभ्रम पडतो. चपळगतीने ती इकडून तिकडे आणि तिकडून इकडे झुळकन सुळकन उडताहेत. त्यांच्या पंखांना जणू हिरे, माणके, पाचू ही रत्ने फुटून त्यांचे पंखच गरगरत आहेत. सायंकाळ झाल्यामुळे दूर दिशांना चरायला गेलेले पक्षी झाडावर गोळा होत आहेत. ते थकून भागून झाडावरच्या आपल्या घरट्यात विश्रांती घेण्याच्या तयारीत आहेत.
१) कवीने सूर्याचे वर्णन कसे केले आहे ?
उत्तर. सूर्य मावळतीला पोचला आहे. सर्वत्र पिवळे-तांबूस कोवळे ऊन पसरले आहे. त्या ऊनाकडे पाहिले की वाटू लागते, ओढा पाण्याऐवजी सोनेच दूर वाहून नेत आहे. झाडांच्या शिखरांवर कोवळे सोनेरी ऊन पसरले आहे. पण कवीला वाटते, झाडांनी जणू आपल्या डोकीस सोनेरी मुकुट घातले आहेत. कुरणावर, शेतात सर्वत्र जणू गुलाल पसरला आहे. असे कवीने सूर्याचे वर्णन केले आहे.