वाक्रप्रचारः
चिकान करप – फटोवप
सादूर जावप – शिटूक जावप
संवसारांत आसप – जितो आसप
कानांर घालप – फटोवप
आपल्याच गांवांत परकी जावप – आपल्याच गांवांत आपणाक मान ना जावप
उबगण येवप – वाजेवप
म्हारगायेचो उजो पेटप – म्हारग जावप
कोडू फळां चाखप – वायट अणभव येवप
अ) सकयल दिल्ल्या दरेका प्रस्नांच्यो जापो एका – एका वाक्यांत बरयातः
1. सदाशिवाक पांचशीं रुपयाच्यो नोटी कोंणें दिल्यो?
जापः सदाशिवाच्या भावोजीन सदाशिवाच्या बोल्यांत पांचशीं रुपयांच्यो दोन नोटी घाल्यो.
2. सदाशिव टॅक्सी – ड्रायवराक नागोवणो कित्याक म्हणटा?
जापः रेल्वे – रटेशनार सावन बस – स्टँडार येवपाक चारशीं रुपया घेतलो म्हूण सदाशिव टॅक्सी – ड्रायवराक नागोवणो म्हणटा.
3. सदाशिव पोट भरपा खातीर कसलीं कामां करतालो?
जापः सदाशिव पोट भरपा खातीर लांकडां फोंडपाचें आनी माती खणपाचें काम करतालो.
4. सदाशिवान भुरगेपणांत कसली चूक केल्ली?
जापः सदाशिवान भुरगेपणांत शिकलोना ही चूक केल्ली.
5. सदाशिवाक परतून रेल्वे – स्टेशनार कित्याक वच्चें पडटा?
जापः सदाशिवाक बसीचो संप आशिल्ल्यान सदाशिवाक परतून रेल्वे – स्टेशनार वच्चें पडटा.
6. फटीबाब सदाशिवाक कसो फटयता?
जापः फटीबाब सदाशिवाक कालची तिकेट विकता आनी मोड हाडपाक म्हूण ताची पांचशीं रुपयांची नोट घेवन पळटा.
7. रेल्वे पुलीस सदाशिवाक कित्याक धरून व्हरतात?
जापः रेल्वे पुलीस सदाशिवाक प्लॅटफॉर्म तिकेट काडिनासतना प्लॅटफॉर्माचेर येयलो आनी फायन फारीक करपाक ताचें कडेन दुडू नासले म्हूण ते ताका धरून व्हरतात.
आ) सकयल दिल्ल्या दरेका प्रस्नाची जाप चार – पांच वाक्यांनी बरयात
1. प्रासार पावतकच सदाशिव कसलो देखाव पळयता?
जापः बसींत बसून घरा वचपाक म्हूण सदाशिव रेल्वे – स्टेशनार सावन टॅक्सी करून प्रासार येता. पूण येघा व्हडल्या प्रासार एक लेगीत पसरो उकतो नासलो, लोकांची गर्दी नासली, बसीय नासल्यो आनी कण्डक्टरांचो बोवाळूय नासलो. त्या दिसा बसींचो संप आसता. ही खबर खबरांपत्राचेर आयिल्ली आसता पूण वाचूंक नकळो आशिल्ल्यान तो फटवता.
2. सदाशिव कित्याक शिकूंक ना?
जापः सदाशिव शाळेंत वच्च्या वेळार लिपून रावतालो. शाळेंत वचपाक ताका वाज येतालो. देभर एकाच वर्गांत, एकाच बांकार बसपाक ताका उबगण येताली. अभ्यासांत लक्ष लागनाशिल्लें. फकत खेळपाक बरें दिसतालें. देखून सदाशिव शिकलोना. ते खातीर ताका व्हडलो जातकच लांकडां फोडपाचें आनी माती खणपाचें काम करचें पडलें.
3. विघार्थी प्रवाशाक शिक्षणाचें कसलें म्हत्व सांगता?
जापः विघार्थी प्रवाशाक शिक्षणाचें म्हत्व समजायत सांगता की शिकतकच मनीस हुशीर जाता. ताका सगलें कळटा. ताका कोण फटोवंक शकना. चीट बरोवपाक, अर्जी भरपाक, हिशोब करपाक ताका दुसऱ्याचेर रावचें पडना. खंय कसलीं सुचोवणीं बरयल्या, कोण कितें उलयता हें सगलें समजता. काल कितें घडलें, आयज कितें घडटा, फाल्यां कितें घडटलें हें सगलें खबरांपत्रां वाचून समजता.
4. सदाशिव परतून एकदां कसो फटोवन घेता?
जापः सदाशिव सांग्यार वचपाक रेल्वे स्टेशनाचेर येता. थंय ताका फटीबाब नांवाचो एक मनीस मेळटा. तो ताका सांवड्डयां वचपाक तिकेट विकता, आनी ताचे कडली पांचशीं रुपयांचीं नोट धेवन मोड हाडपाक म्हूण वता, तो परत येना, उपरांत ताका कळटा ती तिकेट आदल्या दिसाची आसता. अशें तरेन सदाशिव परतून एकदां फटवता.
5. सदाशिवाक कसो फटप फटयलो तें तुमच्या उतरांनी बरयात.
जापः सगल्यांत पयली पाचशीं रुपयांच्यो नोटी तो शंबर रुपयांच्यो म्बूण समजता. बसी बंद म्हूण खबरांपत्रांचेर आयिल्ली खबर तो वाचूंक शकना टॅक्सी करून प्रासार वता आनी फटवता. टॅक्सी ड्रायवर सदाशिवाचे शंबर रुपया म्हूण पांचशीं रुपया व्हरता. पसरकार ताका इकरा रुपयांचो पुडो वस रुपयां विकता. निमाणें फटीबाब ताका आदल्या दिसाची रेल्वे – तिकेट विकता आनी ताचीं पांचशीं रुपयांची दुसरी नोट घेवन पळटा. अशें तरेन शिकूंक नाशिल्ल्यान सदाशिवाक लोक परतून परतून फटयतात.
व्याकरणः
अ) सकयल दिल्ल्या वाक्यांतलीं सर्वनामां सोदून बरयातः
1. तिकेट मेळपाचें जनेल भायल्यान आसा, तूं भितर पावलो.
2. हांव तिकेट घेवन येतां.
3. आमी हेच गाडयेन सदां वतात.
4. म्हाका फटय फटय फटयलो.
5. तुमी तुमचें काम करात.
6. तो तुजे पयशे घेवन परत येतलो?
जापः 1. तूं 2. हांव 3. आमी 4. म्हाका 5. तुमी, तुमचें 6. तो, तुजे
हांव – आमी
तूं – तुमी
तो, ती, तें – ते, त्यो, तीं
वयर दिल्ल्या सर्वनामांक पुरूश सर्वनामां म्हूण वळखतात.
आ) सकयल दिल्ल्या तकटो पुराय करातः
एकवचन
| पुरुश | पुरुशलिंग | स्त्रीलिंग | नपुंसकलिंग |
| पयलो पुरुश | हांव | – | – |
| दुसरो पुरुश | – | तूं | – |
| तिसरो पुरुश | – | – | ते |
भोववचन
| पुरुश | पुरुशलिंग | स्त्रीलिंग | नपुंसकलिंग |
| पयलो पुरुश | आमी | – | – |
| दुसरो पुरुश | – | तुमी | – |
| तिसरो पुरुश | – | – | तीं |
जापः एकवचन
| पुरुश | पुरुशलिंग | स्त्रीलिंग | नपुंसकलिंग |
| पयलो पुरुश | हांव | हांव | हांव |
| दुसरो पुरुश | तूं | तूं | तूं |
| तिसरो पुरुश | तो | ती | तें |
भोववचन
| पुरुश | पुरुशलिंग | स्त्रीलिंग | नपुंसकलिंग |
| पयलो पुरुश | आमी | आमी | आमी |
| दुसरो पुरुश | तुमी | तुमी | तुमी |
| तिसरो पुरुश | तें | त्यो | तीं |
अभ्यासः
हें नाटकुलें माचयेर सादर करात.