अ) सकयल दिल्ल्या दरेका प्रस्नांच्यो जापो एका – एका वाक्यांत बरयातः
1. गोंयच्या सायबाचें नांव कितें?
जापः गोंयच्या सायबाचें नांव सां फ्रांसिश्कु शावियेर.
2. फ्रांसिश्कु कोणाक लागून पाद्री जावंक पावलो?
जापः फ्रांसिश्कु इनास द लोयोला खातीर पाद्री जावंक पावलो.
3. लोक सायबाक मेणाच्यो कसल्यो भेटो दितात?
जापः लोक सायबाक मेणवाती, मेणाचीं बावलीं, हात, पांयच दोळे, कान, बी मनशाचे कुडीचीं मेणाचीं केल्लीं आंगां असले तरेच्यो भेटो दितात.
4. मडक्यांच्या बाजारांतली खंयची वस्त फेस्ता आदींच खपता?
जापः मडक्यांच्या बाजारांतली वेगळ्यावेगळ्या आकारांचीं घुमटां, म्हादीं फेस्ता आदींच खपतात.
5. दिंडेचो आरंब खंयच्या गांवांत जाता?
जापः दिंडेचो आरंब कोल्हापूर शारांतल्या गांवांत जाता.
आ) सकयल दिल्ल्या दरेका प्रस्नाची जाप चार – पांच वाक्यांनी बरयात
1. गोंयच्या सायबाची परब केन्ना आनी कशी जाता?
जापः डिसेंबराचें तीन तारखेक पोरण्या गोंयच्या सायबाची परब जाता. परबे आदीं णव दीस नोवेनां चलतात. दर दिसा पाद्री मिसां भेटयतात. परबे दिसा मिसां सकाळीं चार वरांचेर सुरू जाता तीं सांजेच्या सांत वरांचेर सोंपता. परबेचें दबाजीक मीस सकाळीं साडेधा वरांचेर सुरू जावन बारा वरांचेर घणघणांत सोंपता. ह्या मिसांत गोंयचो भिसमसायब मुखेल येजमान कसो हाजीर आसात. तेच परी हेर याज्ञीक आसतात. गोंयच्या सायबाची कूड पळयतात आनी आल्ताराचो उमो घेतात. सोक आपणें आंगवणी पावयतात, तशेंच खुशालकायेन फेरयेंत भोंवतात. ही गोंयच्या सायबाच्या फेस्ताची परब मोटे उमेदीन मनयतात.
2. गोंयच्या सायबाच्या फेस्ताची तयारी कशी करतात?
जापः गोंयच्या सायबाचें फेस्त एका दिसाचें आसलें तरी फेस्ताची तयारी णव दिसां आदींच सुरू जाता. ह्या णव दिसांक नोवेनां म्हणटात. बाँ जेझूचे बाझिलिका इगर्जेच्या सामकार उकत्या मळार व्हडलो माटव घालतात. नोवेनाच्या दिसांनी थंय पाद्री मिसां भेटयतात. तयारेच्या ह्या दिसांनी हजारानी लोक मिसां भेटयतात. लोकांक बसपा खातीर कदेलां मांडिल्लीं आसतात. फेस्ताची फेरी नोव्हेंब्राचें चोवीस तारखेर सावन भरपाक सुरू जाता. गोंयच्या सायबाक आंगवणी फारीक करूंक येवपी लोंकांक रावपा खातीर सुवात करून दितात.
3. मडक्यांच्या बाजारांत मेळपी मातयेच्या आयदनांची नांवां बरयात.
जापः फेस्ताचे फेरयेंत खाशेलो मडक्यांचो बाजार भरता. ह्या बाजारांत तरेकवार मातयेचीं आयदनां मेळटात . जशें परी मडक्यो, बुडकुले, तवल्यो, गुडसां, कळशे, घागरी, तवे, मालटयो, भाणां. कदीं, वायलां, कुळणीं, गुलगुलेतां, धुपाटणीं, दिवजां, पणटयो, फुलांच्यो कुंडयो, माट, मिलेर, तशेंच घुमटां, म्हादीं अशीं वाघां मडक्यांच्या बाजारांत मेळटात.
4. आंगवण फारीक करूंक आयिल्ले लोक बाँ जेजूचे इगर्जेंत कशें तरेन रावतात?
जापः गोंयच्या सायबाची आंगवण फारीक करूंक आनी मेळिल्लो उपकार आठोवंक लोक नोवेनंच्या दिसांनी गोंयच्या सायबाचें इगर्जेंत रावतात. तांकां थंय रावपाक वारांदांत सुवात दिल्ली आसता. थंयच ते जेवतात आनी न्हिदतात. रांदपाक लेगीत सुवात दवरिल्ली आसता. थंय चुली घालून लोक जेवण रांदतात. नोवेनांच्या दिसांनी भेटयिल्ल्या मिसांक हें लोक हाजीर रावतात.
5. मोग आसल्यार हुनहनीत वडे घांटार पावतात हे ओपारीचो बेसबरो समज जाला तो कसो?
जापः गोंयच्या सायबाच्या मोगान आनी भक्तीन कोल्हापूर जिल्ल्यांतल्या आजरा गांवांतसून लोक दिंडी घेवन पदयात्रा काडून गोंयच्या सायबाच्या फेस्ताच्या आदल्या दिसा पोरण्या गोंयांत येतात. वाटेर मागणी करीत, पिराचिताच्या मनान लोक इतली लांब वाट चलत येताता. डिसेंबराचे दोन तारखेर तांचे खातीर मिसाचें बलिदान भेटयतात. मोग आसा ती गजाल कसल्योय आडखळी पयस करून मेळोवं येता. इतली पयस वाट चलून गोंयच्या सायबाच्या दर्शनाक लागून लोक येतात.
6. सायबाचे दाखवणे विशींची माहिती तुमच्या उतरांनी बरयात.
जापः सां फ्रांसिश्कु शावियेराची कूड बाँ जेजूचे इगर्जेंत एका आल्तारार वयर दवरिल्ली आसा. एका रुप्याच्या तुंबलांत घालून दवरिल्ली आसा. हारशांतल्यान सायबाचे कुडीचें दर्शन घेवपाक मेळटा. पूण दर धा वर्सांनी सायबाचें कुडीची खास दाखवण आसता तेन्ना ही सायबाची कूड पुरसांव काडून ‘से’चे इगर्जेंत व्हरून दवरतात. सुमार चाळीस दीस ही दाखवण उरता तेन्ना लागशिल्ल्यान हें कुडीचें दर्शन घेवंक मेळटा.